澳洲觀光+參加畢業十天自由行~準備篇

自從八月中決定去澳洲旅行就馬不停蹄，不斷拜訪各家旅行社希望能夠得到一d機票及酒店客房資料(最緊要係問價)...今次三人行(我、嘉露子及嘉露子母親大人)所以出發日期好快就差唔多定好，主要係配合畢業典禮日期再安排提早還是遲一點，最後決定12月8~18日。事前問定旅行社得知十二月是澳洲旺季，一定要盡早訂機票真係超級快冇位特別係旺季前夕，可能平很多關係(已經選擇凌晨機來回~)，特別係"昆士蘭"又貴又難搵位...我地八月中開始留位都只係Confirm到回程，出發都要排Waiting List....。幾日後我地決定去開澳洲去多幾個地方，一方面機票可以平d時間選擇上多d可以彈性d...最終首先到Sydney==>Brisbane===>Gold Coast==>呢十日將會係咁渡過......。

最近真係開始對自由行有點恐懼......因為公事太繁忙再加上自己已經有冇時間又要安排呢樣安排嗰樣，但係其實又好享受過程，途中實會睇到好多其他Blog友既作品及趣味...(呢到開始矛盾...)...仲有今年年頭去過既韓國(同時間寫緊)與及台北都未寫好...回正題啦...機位我好貪心咁同時間Confirm Sydney同時間Waiting Brisbane...總供四五個機位，同時又Waiting下d平機票咁啦...。到訂酒店住宿由於真係唔太熟識，所以心目中都係The Rocks & Darling Harbour & China Town附近咁...搵人問下價...向Central Station附近有好多好選擇...不過唔平原本決定Holiday Inn Darling Harbour 經一輪上網比價之後因為優惠完左...放棄了，網上訂房真係好方便(Hotels.com、Booking.com、Agoda...)適合不同要求...個人認為Hotels.com價格上合理得多不過要訂要快手呀...因為我地差點中左...招，正所謂優惠期有限，慾購重速。就因為咁錯過左間好野，好彩一向都有後著(準備左三個選擇比自己 1.Seasons Darling Harbour 2.Pensione Hotel Sydney 3.Oaks Goldsbrough Apartments)估下最後決定左邊間...

講起訂酒店係到比小小tips大家,如果係Hotels.com訂既話,最好先去左>>佢地既網站<<(pls click) 做左會員先呀~因為原來做左會員後,佢地網站定期寄黎既newsletter都會有訂房優惠的9折coupon呢~我地就真係後知後覺呢

行程時間方面Sydney (4days)==>Brisbane(3days)===>Gold Coast(2days)，Sydney會安排一日join day tour去藍山或許獵人山谷酒莊參觀之後內陸機到Brisbane參加畢業典禮及觀光再自駕到Gold Coast，初步行程係咁啦....有一樣好嚇人下~咁諗住十月中到訂好晒所有野啦可以訂內陸續機票，點知我地上Qantas Holidays訂機票訂好晒啦!!(上網訂平過香港訂好多，平的話Tiger最平不過d人話佢成日取消航班，何況差AU$10左右無謂博) 點知過兩日佢地玩擺工喎...你早D講呀嗎......仲要比晒錢添比你地玩兩日好啦...。

其實仲要攪好多野要預早準備證件...特區護照就到期要申請、國際車牌要申請($80即日有得攞)、澳洲VISA要申請左特區護照先得(好彩訂機票幫我地搞)、可能仲要Join其他Member...攞優惠。

夏天到澳洲旅遊真係有好多活動玩意或旅遊景點可以考慮，又想玩Sky Drive、Bungee Jump、熱氣球、潛水...又要觀光等等大多選擇啦...咁短時間好難一次過做晒，留返下..下次啦!!我地仲會去動物園要抱樹熊、袋鼠，有得抱既話咩都抱下...所以唔會向悉尼去動物園原來澳洲政府規定悉尼d樹熊唔比抱只可以觀賞，暫時決定到Brisbane (Lone Pine Koala Sanctuary)或到Gold Coast (Paradise Country)。還有一個月時間去計劃及安排到旅遊景點交通... ，Brisbane自駕落Gold Coast條路點行呢...想食d咩好野呢(鮑魚、龍蝦、生蠔、澳洲和牛...)現在滿腦子都有不同答案...。

今次澳洲自由行之旅除左Brisbane既行程可以依賴嘉露子阿妹改..我地真係對澳洲冇咩特別認知,東尼未去過,嘉露子同嘉露子母親大人都係10幾年前去過都冇咩印象啦~

咁有咩方法呢???我地今次好認真咁搵左好多info呀~搵左d咩? 香港坊間咁多參考資料,緊係用黎睇下啦~今次我地用左2個文字+圖片既source+係澳洲讀書既朋友仔既blog...同大家既自由行blog

係到同大家介紹我地用左d咩方法啦~~


1.)長空自遊系列既 iphone/ipad apps 可以係到>> LINK<< Download
呢個apps真係值得推介呢~~去唔洗成日拿住本旅遊書..周圍走,一個phone/pad就攪tim哂..又可以有地圖睇,又有中文+ English的簡介呢..比少少$$去download真係值呀~~
(以下圖片,轉from長空自遊系列,圖片為長空自遊系列所有)

2)就係台灣出版既<<地球の步き方～澳洲(繁體中文2010-2011版)>>

唔買香港出既書...因為我地睇過幾本香港介紹既都係好留於表面既..長空ipad apps有既~個d內容都有了..唯獨呢本真係好豈用..寫得好仔細..同埋會有好多介紹..好岩backpacker(雖然..今次我地唔算好backpack..哈哈)用架..

好期待快d放假去澳洲~~不過最緊要都係寫返好自己個Blog先咁耐冇..打返...台北篇、生日篇...。