北海道 ~ Day 2

唉!我好眼訓呀!成晚眼光光…唉!嘉露子就訓到成隻咁…

一早食個早餐先,哇!好得呀!唔係講個早餐,係講個View。個早餐一般啦!日+西咁啦~係多左d漬物咁…。個環境好似Canteen咁有幾個窗但後d風景就嘩!我面向山坡但鋪滿白雪之後就唔同哂,開始落雪仲越落越大,到我地食完早餐落去上車時仲落緊。

閞車啦!尋晚真係冇睇真登別,原來出面好靚家…(下圖:我地係登別出面影)

鬼咩..尋晚淨係睇隻鬼..算啦!好快我會再黎!之後我地去邊?去洞爺湖附近雪馳電制,去到個個團友都做晒稯,等左一陣換好鞋就去學楂雪上電單車,我地一人一架…唉￥20,000_,好彩聽左你講我地包尾呀!等前面走到老遠之後"風風"咁就一個鐘。ps:你可能問點解唔後"風馳"係"雪馳"因為楂個時全程都好大雪。

(下圖:係我地楂雪上電單車,上到去影既相..懶係有feel..heehee)

(超好飲熱粟米湯,我上左隱)

之後去左睇有誅火山同昭和火山同埋熊出沒專門店。ps:內有黑熊小心小心!(嘉露子:我係到買左小小手信比我屋企人)出左隔黎食左第一杯Milk味雪糕…good!之後就出事啦!……

食lunch啦!唉…初初諗住唔蟹…點知忍唔到又括左出去,加埋活帶子同活馬糞海膽…唉!又￥16,300。不過真係滿足,我有反轉個發泡膠價錢牌睇下佢有冇古怪但今次後面冇字可能有另一個。Anyway我覺得真係要一試,我地大部份都生食,只後個蟹頭煮熟黎食。d蟹生食係冇咁好食..但d帶子呢..正到出汁呀...

(圖左起:馬糞海膽,長腳蟹,帶子shashimi..正!!)

好之後去北廣島滑雪溫泉渡假村,係一個有齊所有設施既地方,所以你地先睇到我地d經歷,途中經過便利店要掃貨呀!事日晚餐￥1,500…不過聽日冇得係到ski呀..因為呢到平時係glof場..唔夠高..而且降雪量唔多..唔夠雪,導遊話同我地去留壽都ski場wor

好收拾房間~係將d野放到周圍都係…又要攪上網又要拾野…去浸溫泉先…嘩!呢個要提雖然冇尋日咁大但個半露天溫泉就"正"!點正,一路落住雪黎浸,個View係golf場同山。奇遇:1.不過唔知點解有個阿姐走左入黎做清潔,佢向d人坐向度洗澡既地方拾野,當時唔係冇人洗澡呀,都有成十個八個呀!唔洗驚當時我唔係洗緊澡只係去休息經過。

2.開始浸時突然有個日本叔叔

問:係咪日本人

我答:香港人

佢又講多次:香港人

我答:係

又問:黎旅遊

我又答:係,之後我走左啦!(以上對話全部日語,我識小小ps4級程度)

返房食晚餐,事日餐單

前菜:Pizza味牛肉粒+紫菜

冷盤:三款不同味道飯團

主菜:鹽味拉麵(杯麵)

飲品:飲上穩的奶

4道菜式豐富晚,之後Zzzz…Zzzz…

東尼 & 嘉露子