受不住．．．引誘

剛剛過左一個很充實星期一，之前無聊咁安排左放假，結果係港九新界遊。

一早去荃灣整藍芽耳機，好好彩佢換左個全新比我；之後約左個買家向葵興交收支鏡頭，點之佢講錯地點，佢向葵芳到等我！！！～～好彩差一個站

去金鐘攞入台簽證（點解要去攞，因為我家有3人，星期六上網申請點知2個批1個唔批）咁咪順便陪東尼爸去申請囉～～搞左兩粒鐘

好耐冇搭船，就搭船過尖咀剪髮，又上C記Show Room玩就咁出左事啦！之前去天祥都好地地～～

好落旺角格價．．．問幾間都把持得住．．．

個Sales問:你向出面睇開咩價呀！開個價睇下做唔做到比你？？

(以家d Sales咁問人都有既！！．．．唉！！)

點知我心目中個價佢竟然做到．．．出左事．．．咁就買左支原廠鏡啦！多謝$5XXX．．．

差d買2支鏡．．．好彩個價佢唔到．．．

都唔知點解我會係咁．．．

東尼