......超眼訓!尋晚聽左場環迴立體交響樂，正所謂高中低音齊晒，成晚都訓唔著
!佢地太疲倦啦!
終於頂唔順6點鐘起身沖返個熱水，7點3落去飲
食早餐，今日好多日本團入住呀!呢度d早餐都幾好食，不過日式左小小。可能有日本旅客關係。今日落雨，要帶傘...
...唔緊要...上酒店攞行裝向大堂等車，安排左架車車我地去基隆、野柳、金瓜石、九份。共十幾個景點，用小小錢可以買時間我一定會做而且舒服好多
!等到8點9車還未到，打比個負責人先
。呀!~有冇錯(比佢放飛機添
!)搞到我燥燥地係咁噴佢係咁插佢
。佢又話以家基隆落緊好大雨又大霧咩都睇唔到喎，費事浪費我地金錢同時間喎，之後唯有改明日啦!一定要黎呀，就算落雨我自己都會去啦!
將明日行程今日用啦!早上8點幾先去台北火車站繞一個圈先，好凍呀好大風呀
!台北火車站外牆顯示15度。臺北民主紀念館05年我曾經到過當時個牌樓還是『大中至正』現已經換上『自由廣場』。
逗留一陣雨已經停了，就前往士林站轉巴士到故宮博物院參觀。由於我訓得唔好關係，我對腳開始冇氣力，上樓梯腳軟。用青年咭買門票半價NT$80.00
，全票NT$160.00。差唔多每個鐘都要休息3個字，經過裝修的故宮博物院與我05年參觀時好大轉變，之前興建中新展覽館已經開放，地方大得很舒服，每層都有很多座位比遊客休息。當然，目標都係玉白菜與及豬腩玉。
都行左3個幾鐘先走，
點幾鐘啦!要走去食飯，原先安排永康街食午飯由於行程變動下一站淡水。由士林站到淡水大概半小時把握時間陣先。到淡水東尼媽話要買生果，所以唔行老街住，行左英專路買蓮霧先(台灣出產，東尼媽至愛)。行到好入，見到有間買牛肉麵店都幾多人食緊喎，湊熱鬧先間舖頭唔起眼但註明"所有食品不加味精"，價錢很平Order左4樣野，牛肉麵、四寶牛肉湯、牛肉乾麵、牛肉湯菜肉餃，
正到湯都飲晒。向出面買珍珠奶荼及街邊壽司。
之後行左去食『文化阿給』到淡水必食，想當年搵呢間野搵左我半個鐘
，今次一定記得點去啦!
原路落去食炸蝦卷及飲阿媽的酸梅湯買許義魚穌及其他手信，就咁又行到6點。
先返酒店放戰利品之後西門町，順便打多次落實明天行程。途中大家太倦了大家都訓過左一個站，錯有錯著加多個景點啦!外觀總統府，可惜天未黑找日再來影過。經過順便買胡椒餅。
西門町都係行下街食阿宗麵線、鴨肉扁及雪王咁。
影下相就返酒店
......
因為東尼爸及媽都是第一次來台北，所以頭兩日行程特別安排給他們觀光及Shopping
!之後就係我既行程啦!
東尼
我今次竟然一心想食阿宗麵線，到最後都唔記得咗食，唉～
回覆刪除[版主回覆03/05/2009 17:53:00]我今次有去食,覺得好似冇以前咁好食,以家我覺得旺角(佳旺)下面個間好食d