澳洲觀光+參加畢業禮十天自由行~第2站 Brisbane& Gold Coast篇(四)

澳洲觀光行程還有唔夠一日今晚零晨就要返香港啦，我地前幾日買個盤巨芒都未食晒...。今日參觀一下City買下手信，去DFO Outlet掃貨...咁啦~~

東尼媽預早落左Order話如果見到呢隻羊油幫佢入貨...我地向悉尼搵左幾間舖頭都冇，估唔到向呢間超級市場買到...差D清左個貨架...

之前向旅遊書見到有咩係必買手信要買...基本上最後係跟左九成咁買...不過又真係唔錯而且全部向超級市場搵到不時還有特價...我記得買左十幾罐吞拿魚每罐都只係1蚊澳幣...仲有夾心版KitKat返到黎香港CitySuper見到成30蚊一條...

呢間都係旅遊書介紹...D朱古力真係好好食...特別係Rocklea Road超推介呀...

好多時去Outlet都係買返D舊款或有問題既貨物，今次發覺其實都會買到正野...好似嘉露子就左件型爆雪褸...岩晒啦!!!2月去滑雪有得用，都話呢邊完左雪季一定有平野執，但係我睇唔岩囉...可能轉左玩SnowBoard要買D再鮮色D型D...既關係...。不過D Levis真係超抵著...點都要買番條

行到咁上下返去執行李，出City食飯再出機場返香港...

食完飯...臨去機場之前都要去賭場參觀一下...只係參觀...因為錢洗到七七八八啦...

回程啦!!!~~要返香港...今次CX Check 行李嚴格左好多呀!!連手提行李都唔可以超重呀...攪到要開行李執執先得...

Sydney & Brisbane不久既將來我相信我會再黎...多謝...觀賞...END