學做漁民工作坊~醃製美食篇

點解我倆可以參加這個活動，事原上年嘉露子向網絡上睇到一個網絡紅人專門介紹飲食與及定時舉辦飯局，我倆出名貪食當然要參加一下擴寬自己認識下新朋友作多方面嘗試...。今次都係呢位網絡紅人與南區合作我倆才有機會參與其中...一大清早已經到達香港仔海傍準備乘駁船到海中心漁民的船屋學習烹調及醃製鹹鮮過程

我倆預早知道會學習醃製鹹鮮過程、生曬鮮魷及手打魚旦...。導師先示範醃製鹹鮮過程，預先準備鮮馬友替魚刮磷、去除內臟洗淨...

導師教首先在魚條位置斜線輕鬆落一刀到魚骨位置，之後刀身貼著魚骨一拉就可以開半了...

在魚骨魚身位置分散砍三刀，放粗鹽醃製即可...

導師完成作品，醃製約一天即可食用，可蒸可煎...

原來每位學員都有一條魚可以帶返屋企，不過要自己動手咁大個仔都未試過開魚呀...

順順利利都算是開到，整個過程最難係拍刀開魚頭位，隻手痛到...最後加D鹽...大功告成...到妳啦嘉露子

一睇佢攞住把刀就知有功架啦...三兩下就完成...

掌聲鼓勵......

差點忘記了我的作品...之後導師還教授起魚骨方法...手法熟練，真係有排學呀

緊接著生曬鮮魷..

首先輕輕張魷筒身切開，要小心用力會弄穿內膽有排清洗

之後除去內膽...切去魷魚雙眼

清洗，完成可以用竹籤穿起風乾......到我到我表演...雞手鴨腳...

...

好髒呀...

好...上吊...完成。最後到手打魚旦，非常難，要掌握好時間及力度才有望成功...

導師首先將鮫魚切開...之後用飯匙輕力將魚肉刮出(緊記輕力，因為大力會刮出一大塊魚肉，就做不到魚溶效果)

少許鹽調味...

到最難的程序...我決定用錄影記下整個過程，用了6分鐘時間就打成魚膠團，途中加了3次由鹽及胡椒粉融合的水，之後又到我地搞破壞啦...正所謂自食其果

每個人都有機會嘗試整個過程...

呢個程序最難，成功與否睇我啦...，能否將魚肉用手攪拌成一團，力度掌握好重要...成功就有香滑彈牙魚旦食，失敗就變成鬆散魚腐...太大壓力啦...都係玩一陣之後交比下個同學仔
我地一組成功作品...

有多用來煎魚餅...，還教懂我們用盡成條魚...連魚皮都可以煮埋...果然係食平D炸魚皮就食得多，煎香別有一種風味

導師還煎香剛才用作示範的鹹鮮給大家品嚐。多謝主辦單位舉辦今次非常有意義的活動，除了實習還有製品帶回家