我們的用心婚禮~籌備及落實

<<擇日>>-7月上旬-

距離7月婚展不足兩個星期，初步吉日已經暫定了！先講下我地呢個擇日點搵啦~~佢係我..嘉露子daddy既師傅..即係我鄉下既風水師傅..佢負責既範疇都好廣的~~由於2014-2015年既通勝未出,要個師傅用萬年曆再+本古書去推!最初嘉露子daddy 搵到2個日子..分別係2015年4月或5月2個日子

但由於日子真的比較遠，我倆+嘉露子daddy 決定遠赴雲浮..同師傅睇由2014年底到2015年年頭既日子...

最後由最初2015年4月或5月2個日子，經再推算後得出另外2個日子於2014年9月或10月其中3個是平日1個是星期日，原本星期六或日是我們首選但是又要到2015年(太耐了!!)，其餘日子又沒有適合我們的，4個日子當中有2個是特別好的所以我們初步選擇了~2014年10月(星期三)及2015年4月(星期日)再會二選一，遇上這個情況相信大部份新人首選都是星期日，我們最初都爭論左好耐。最後我作出了一個理性既決定……選擇了平日，最主要因素你可以話係錢（其實唔係完全為錢），考慮因素有很多首先現在是2013年年中大部份宴會場地的席菜價錢是到2014年8月止並講明下半年會加價，如果2015年又會再加多大概10%左右，最低消費同樣一同加；第二星期五、六、日及公眾假期的酒席價錢比平日亦貴大約10%～15%不等；第三大部份酒店都未能提供2015的席菜價錢及接受預訂，估計係因為通勝未出所以定唔到。加上各種因素都很大可能另我們超支，所以選擇將平日與假日的差價添加到其他部份使用另其他部份有更好選擇，因為我不想用錢去買個日期，之後都資詢過一d些朋友既意見，都認同其實沒有太大分別，就這樣決定吧！

<<酒席最後4強>>到呢個時間嘉露子同我已經向廿多間場地，選出最後四強（迎(右下)、紅磡海逸酒店景逸軒(左下)、Holiday Inn(左上)、朗豪酒店Star Hall(右上)）

**場地分析:**不過到最後兩強係紅磡海逸酒店景逸軒及朗豪酒店Star Hall似中都係酒店擺好……兩間當然係唔同級數啦～最後考慮到交通及菜單等等……不過都係決定唔到住


<<Pre-Wedding的選擇>>另一方面pre wedding攝影，剛剛All about wedding呢本雙月刊 出左香港Top 15 婚紗攝影師作參考，有些都被嘉露子選中了，攝影部份對我來說很重要，我一向對呢方面有要求所以，在十多個入面取捨真係好很難，風格各有不同，巧合大部份都有參展可以到展場多作了解，其實好在6月婚展已經有點心水..

早前向網上睇過有人講婚展攻略，頭一兩日應該先拿點資料比較一下價錢，到最後一日就可以嘗試爭取更多優惠（Sales要追數呀～）最初都半信半疑，我倆當然係7月既婚展去證實一下啦婚展二日先進場，先多作了解試探一下佢地條底線當然啦今首要目的係ptr-wedding攝影先，估唔到相隔一個月某間攝影公司竟然加左價，不過包含項目亦有所增加。作初步了解過後就離開，明天再來就做決定，我倆在當晚傾到二點多也沒有得出結果，考慮了多方面，大家都同意影一輯海外一輯本地，還有Wedding Day……我倆想影d大自然及開心既感覺，所以不斷圍繞著某幾間公司去決定點分配……最後都係等明天再入場了解多次，順便挑戰一下佢地條底線..呢一部份我所投放的預算比較充裕所以選擇也較多..

有時有呢野好似註定左咁，好似對婚介咁...今日一入到場就遇上其中一間我倆心儀攝影公司既職員佢仲認得我們，咁就比佢拉左落攤位了解左先啦...，其實呢一間我都預左比錢佢賺，不過未諗清楚本地還是海外，還巧合遇上嘉露子朋友個老公向到幫手佢地之前都係搵佢影之後FD左落埋黎幫手...。不過我們係第一對新人找佢明年影櫻花所以時間由我地決定先，如果之後有其他新人加入還可以減價添，比佢既自由度打動了因為其他公司需要指定某個日子影如遇上惡劣天氣未必可以改期，但他會給我們七日時間選擇邊日影自由度大增，櫻花呢d難以掌握，就咁決定了...，Like 臉書可減一千元傾多兩傾還送多本相簿添(影邊間遲D我會開估)。海外攝影落實了之後到本地及大日子多作了解其他公司之後都有了決定，如果一同參加還可以減價及送即場派相添，即時打比朋友查詢之前有幾個朋友都係搵呢間而且沒有送即場派相佢地不約而同都話要另外加三千蚊，再同個Sales還價之後答應給回舊價(即上月婚展價)及再多送一本細相簿及畫架添..婚展攻略果然係真有其事。只於我地既心水同選擇左邊間, 我地下篇再詳細紀錄~~餘下既時間睇下禮服及場地佈置，由於場地還未落實所以攞一下資料咁啦~不過有一樣新產品可以話我一定會用就係電子簽名系統，平時賓客簽完名後你都唔會知道邊個簽名打邊個簽名，呢套系統可以影下賓客相片或短片及在相片上簽署及寫字有意思...。消費咁多最後當然到抽獎時間啦，消費滿萬五元就可以選擇禮物及抽獎，都選擇左兩張餅咭及抽到一堆護膚品Sample咁啦~~~還有一個大項目未解決...決定進行秘密試菜再決定...