台北 Round 1.19 ~ 出發

終於到呢日啦!真係好耐冇全家一齊出去玩啦!今朝一早七點幾大家就起晒身。上網查下天氣先，下連續三日都落雨，只有今日陰天?算啦!

早之就book早d班機啦!我地坐國泰12:25班機，但係我尋日上網做左預辦登機手續，大家八點幾已經準備好啦!

十點幾到機場，去櫃檯寄行理，唔洗排隊好快搞好，入去食BurgerKing食早餐。

到桃園機場啦!比我預期中早到左，本來14:00先到，點知14:00已經落左兼兌換完錢，我向未入境個間兆豐兌換4.322比香港換多0.15左右。

攞完行李第一時間係申請青年咭，有好多優惠而且係免費呀!

坐大有巴士(NT$90)去台北火車站坐左45分鐘左右，天成大飯店Check-in Book左間Triple Room (Twin + Single Bed)間房算幾好。向大堂打電話約好架車，明天基隆>野柳>金瓜石>九份。

出發落捷運買悠遊卡(NT$500 X 3)，國父紀念館睇尾場下班儀式

坐去市政府站坐免費接駁巴士去台北101，個站同我四年前位置一樣唔洗周圍搵。

因為太大霧所以冇上到頂觀光，就向底層行下超市買草餅同麵包食，行完五樓之後就去隔離紐約紐約啦!

差不多八點大家都肚餓啦!坐返架駁巴士去市政府站轉捷運忠孝敦化站鼎泰豐。到門口超多人呀!好彩大多數係等細枱，大概十五分鐘就有位，等位時順便order定餸菜，有位就好快有得食。我地3個人叫左8味餸，呢到係我食過中港澳之中最好食，鍾意d皮夠薄。

一路食一路影掛住食影小左碗牛肉麵呀!

大家食過飽飽，我決定帶東尼爸及媽行下東區地下街，順便買蘇施黃之前介紹牛肉乾及見到康是美買[我的美麗日記]。

車廂內請勿食香口膠

行到忠孝復興站之後返酒店......啦!明日早起呀!!!

東尼