台北 Round 4.22 ~ 劃上完美句號

經過早3日行程之後，今朝大家都可以訓多d，遲d先起身。其原本安排好好地第一日早起之後兩日都遲d起身，等大家可以得舒舒服服，點知比人放...唉!搞亂左小小行程又要早起身左!!!

今日天氣天晴，勁猛太陽

今日大家都好精神訓到9點幾先落去食早餐，全程酒店包早餐所以遲極都係咁上下啦!食到45分到上房收拾行李Check-out寄存行李向酒店。上到房睇當地新聞報導陽明山花季剛開始，現在已經有幾萬人上左山啦!但真係太靚啦!今日其實都冇點計劃行程只諗住到處Shopping算~因為今晚坐7點25分班機返香港

東尼爸話想上陽明山睇下，咁就10點45分向酒店Check-out，坐捷運到劍潭站轉花季專車上山!~~嘩!超多人架車條隊打左幾條蛇餅呀，起碼排個幾鐘先上到車，再加車程一個鐘。向隔離見到有Taxi可以上山，得十幾人排隊，就決定打的，收費方面一架車只收NT$360坐4個人，每人NT$90，如果3個人都得每人NT$120，比小小錢可以節省時間...GO~

車程25分鐘，個司機幾健談，全程講解山上情況。我地由北投繞道上山沿途單程路又要避車，因為司機話現在那邊大塞車根本沒有辦法進入。

傾傾下我決定約個時間叫佢載返我們落山，大概11點45分到陽明山國家公園~真係好多人，不過~~靚~~絕~~。陽明山呢個地方早幾年就諗個來逛逛，但冇諗個係d咁正既日子!~~~~唔講太多啦去片~~~~~~

由於不能放太多相片關係，比住咁多你地睇住先啦!

還有段短片比你地睇下啦!



大概兩點鐘Call返架Taxi載我地永康街勁食。個司機好好人，佢原來一直都冇離開落山，向到等我們。到永康街先到鼎泰豐攞位，好多人啦!佢要等半小時，所以就先到度小月食肉燥飯、清蒸蝦仁及炸蝦卷與及買半打罐裝肉燥返港。由於東尼爸愛上鼎泰豐的醉雞，所以再返去食多次。食完度小月返鼎泰豐時間剛剛好有位再order醉雞、小籠包、菜肉蒸餃同用青年咭換多條小籠包電話繩。繼續食，下一站永康牛肉麵，可惜去到佢話買晒要4點先有得再食，但係我要返酒店取行李啦!下次再食啦!之後行左書店搵女人我最大佢話春季號要3月先出，大家留意啦!

坐巴士返天成取行李之後行過隔離國光客運站去機場=>=>香港

總結 ~ 短短4日行程舒服唔太辛苦，遇到勁多貴人，尤其向台北火車站，企一陣就有人問你想去邊(教你去?)。黎得台北點可以唔買『我的美麗日記』呀!記住去康是美呀!

完左我既夢?

東尼