與東尼及嘉露子一同分享: 1月 2009

2009年1月28日星期三

恭喜發財~新年快樂~開工大吉~

話咁快又年初四啦！祝大家開工大吉，萬事勝意，橫財到手(攞到左手)，身壯力健．．．收到多d利士

今日開工大吉，順順利利

東尼

2009年1月22日星期四

測試新鏡~巧遇．．．

星期三晚同同事出左尖咀試鏡，由佐敦影到落去，我地行到太陽廣場見有大堆人向到圍觀。初時都唔知係邊個見靚女咪走去影下囉。哦．．．HotCha．．．

新鏡既威力．．．仲想睇其他你地去相薄啦．．．

比住小小你地睇先啦！

新鏡用後感．．．一分錢真係一分貨，有4級防震手持唔成問題，比之前支龍仔利好多。

東尼

2009年1月21日星期三

受不住．．．引誘

剛剛過左一個很充實星期一，之前無聊咁安排左放假，結果係港九新界遊。

一早去荃灣整藍芽耳機，好好彩佢換左個全新比我；之後約左個買家向葵興交收支鏡頭，點之佢講錯地點，佢向葵芳到等我！！！～～好彩差一個站

去金鐘攞入台簽證（點解要去攞，因為我家有3人，星期六上網申請點知2個批1個唔批）咁咪順便陪東尼爸去申請囉～～搞左兩粒鐘

好耐冇搭船，就搭船過尖咀剪髮，又上C記Show Room玩就咁出左事啦！之前去天祥都好地地～～

好落旺角格價．．．問幾間都把持得住．．．

個Sales問:你向出面睇開咩價呀！開個價睇下做唔做到比你？？

(以家d Sales咁問人都有既！！．．．唉！！)

點知我心目中個價佢竟然做到．．．出左事．．．咁就買左支原廠鏡啦！多謝$5XXX．．．

差d買2支鏡．．．好彩個價佢唔到．．．

都唔知點解我會係咁．．．

東尼

2009年1月16日星期五

忙...突如其來既旅行

09年一開始我就忙過不停，由聖誕節之後開始準備月結及年結一直做到一月中，之後工作上下個月又有項工作要準備．．．唉

！開始有d後悔當初點解接左呢樣嘢

。

就黎又到農曆新年又有利士，又可以打下麻雀，今年年初二同嘉露子既家人玩一日遊兼上船睇煙花．．．期待

！

早兩日東尼爸同東尼媽突然話想去台灣同澳門玩，咁就決定二月中出發先到澳門之後再去台北，向我姑姐間公司出套票。早前自己到過台北玩，可以用返之前個計劃只係改小小野就得啦

！

．．．我終於賣出左支天涯鏡網友啦，不過買返支咩鏡好呢，心目中有3支鏡選擇不過3支都唔同牌子

．．．煩．．．

東尼

2009年1月14日星期三

遊北海道後記(上) - 籌備

雖然今次唔係我第一次去遊行，但係今次可能係令我留下最多回憶及最多第一次的經歷。冰川同雪山我地都唔係第一次見，但係落雪這情況我就最期待及渴望可以見到同埋接觸的。因為我從未見過真正落雪，今次做左好多準備工夫，在各方的配合之下(指時間、假期及工作)終於安排到向2008年過到一個白色聖誕節。

嘉露子：係呀~呢次旅行..我地為左大家度個期都攪左好耐..大家左諗右諗先決定聖誕呢期去..因為早去.(係平d)但我公司又要攪function.甩唔到身,遲去東尼又話要埋數,唔可以去...今次我可以同佢過呢個白色聖誕~好開心呢..東尼係安排節目方面係能手..我係呢方面都幾依賴佢..都比佢訓示個幾次..

東尼：我地向7、8月時候決定聖誕節去北海道，大概向10月頭開始籌備，問過一D做旅行社的朋友意見之後，最初係想楂下車自由行，但係原來向10月先定機票都算遲下次要早d啦!之後睇到d滑雪討論區有團搞喎，睇到的時候已經Full到1月，下次又要早d啦!OK...一於報團+自己再留幾日玩啦!!其中有2間遊行社向10月頭已經出定左團的行程同價錢，最初我地諗住等埋東XX的行程先決定(講起佢就真係燥燥地)佢竟然不斷推遲出行程(以為佢睇下其他公司點出之後先出啦!)，點之佢11月先出行程，重要出d垃圾...失望呀!好彩之前選定Top3，再去問好多已經成左團啦!最終我地向百貨公司到報名。原因係佢行程入面有一日全日自由活動，可以自己安排全日去滑雪(主要目的)，而其他旅行團只會全程提供3~4個鐘時間比你滑雪。

嘉露子：一跆都以為,跟東xx真係會好玩d...d人成日buy佢地個日本團攪得好..點知..不過經過今次跟團去..下次一定要自己自由行去玩..秋夏時.因為個度真係一個值得你去既地方..好似浸溫泉咁..當你浸緊個陣,你個人會好relax..成個腦好似冇野諗,咩都唔洗煩咁..真係好耐冇試過咁lu...望住d雪景,但個身又係合溫泉到..真係relax到你唔信...不過唯一，冇得男女混浴..當然係著泳衣個d就好了..因為一個人咁浸..扮自閉咁..真係好悶的。

東尼：我要特別多謝嘉露子我嘅私人滑雪教練，向今次旅行之前我是不懂得滑雪的，我向9月尾先第一次接觸呢種運動。我地在深圳室內人造雪滑雪場用左兩個鐘完成第一堂訓練(自學)，我初部掌握直線滑行及停，開始試轉彎但係點都唔明白。直到10月第二堂我終於決定搵個專業教練教番一個鐘，開頭佢試左我d能力之後就開始教我轉彎的動作及竅門，經過多番嘗試最多都係可以C字咁轉彎，上完呢堂的確令我有d領悟，最重要係克服左個種速度感。出事啦!換鞋時隻腳開始痛，頭幾日以為冇事點知係傷左軟骨呀!由睇西醫食止痛藥轉到睇跌打．．．唉！．．．．．．養傷左差不多兩個月。在12月中再去試腳，一心諗住不成功就便成”　”。