我們的用心婚禮~嘉露子買左Girdle 同Nu bra 啦

之前因為諗住Pre-wedding去cfm單既時候都提下要買girdle同nu-bra..去試WG同EG時都叫我下次如果去firm衫時都帶埋Girdle黎試..把心一橫決定買girdle啦..於時就上黎wow/google爬下文最後決定book去GLC到試. （蔡太都有諗過，但由於好似又要排隊，又好似小小浪費自己半日時間，所以決定去GLC

由於我發現TST既GLC都係一對一既Service..我又諗緊咁私人既野試身都係一對一.上到去老闆娘service好好呀~上到去話比佢知我要d咩佢就攞size比我試..試之前佢都同我分析返個d問題係邊到高低榑咁佢都係我著好girdle話我知…

又教埋點清洗，同埋可以係big day前修改size1次

 最後埋單..hehe..總共買左3樣野..Girdle , Nubra 同埋 腰褲. Girdle買左9個骨喱士的…

真係好收呀..成個shape靚哂~~ Nubra著貼身衫點到有用既…價錢大概如下

9個骨girdle=400幾，收腰褲=300幾，Nu bra=190幾到

如果有需要wakaka係淘寶埋2個mini砵仔膏糕個cup即時大左d...(盛惠RMB$9.3一對)有唔同SHAPE分..有COPY FROM 淘寶

A为椭圆形(提胸集中)

B款为月牙形(提胸防外扩)

C款为上薄下厚(罩杯升级) 

D 希望到時帶去影pre-wedding 靚靚啦.

我們的用心婚禮~Pre- wedding 準備 之 淘寶晚裝

其實本來我地淨係諗住影一輯日本關西Pre-wedding相的…點知後黎怕輯相又貴怕未影話會生硬…所以諗諗下..會係香港影輯先…係行下expo加上朋友影過recommend我..我地香港pre-wedding選左Joseph Photo

距離拍攝日子還有一個月時間，我地提早預約到佢地office 試身簡衫，真係花多眼亂，職員比左幾本相薄及IPad我地睇相簡衫，我地從中選擇了十幾件出睇及試身。

由於我地選好既拍攝地點暫時只有一至兩個（膽 :係石澳石灘，心大心細係山頂公園都唔知去唔去好），所以先從配合拍攝環境方面去挑選，原來呢兩個地方要配襯既風格是不同的……

再加上佢個到d衫....特別係晚裝(o_o)唔係好比我簡到合心意既晚裝，最終還是選擇了兩件婚紗。一件Mermaid (for石澳用), 一件A-Line(for山頂公園用)… 

咁無理由影夜晚冇晚裝..我決定淘寶..咁偉大既淘寶..究竟點著手先呢?

咁當然緊係問有經驗人仕啦..咁岩我有位朋友A..佢男友影左 free –pre wedding相..自己都淘左d婚紗..同晚裝, 我緊係問佢攞個店鋪名參考下啦..hehe..結果比我搵到下面final 3.. 

以下圖片都係From圖淘寶店舖: 

（a)店：同心婚紗

(b)店：天使的嫁衣

（c) 店：天使的嫁衣

由於我pre-wedding決定係觀塘碼頭影..晚裝就買件sharp小小架啦…最後選左（b)桃紅個套.only RMB$198… 

跟住落黎…比支付寶前要決定埋size啦…計過下..如果買M Size..腰圍可能會有d蚊,但胸既尺寸就岩岩好.…如果買L Size..腰圍就Fit.. 胸既尺寸就有d鬆…

最終我決定買左L..諗住都係買大可以改細…買細就唔可以改大啦…. 點知…

各位…我到左貨後先發覺我忘記左最重要既一樣野就係…我會著Girdle呀……總之買M size啦..買左返黎..件衫胸個位..超級勁鬆..一定要出去改..不過好彩介紹我買衫個朋友媽咪以前做呢行..可以幫我改呢~~~hehe.antie唔肯收我$....

 下圖就係淘寶+實貨圖..著出黎都ok呀~~quality都唔錯..真係性比價..但雖一個裙尾同淘寶幅圖有d相距

From實物相：

D colour ok..以RMB200到。質料都舒服

成條睇係裙尾有d唔滿意..不過夜晚影又唔係好覺（咁岩東尼幫我係著前用iron 蒸緊）

Pre- wedding 準備之 男士修眉..

我男友東尼都屬於貪型靚..
所以我地準備影相前佢話都想執整齊D條眉… (佢係屬於小虎眉既)
(Before修...)

左：

右：

 咁我自己..本身做開facial都有修開..於是我味上網搵下邊到有岩佢比佢修既地方啦…都發現bobbie brown..benefit都可以修..
但佢可能男人老狗啦…係化妝counter 咁公開咁修又好似怪怪咁..佢覺得..比我搵搵下..


見到wow都有人介紹過呢間

修眉啦…睇佢地D info都好似幾pro下..亞洲好多地方都有開分店… 於是便係pre-wedding前3-4日都就BOOK左去修眉啦..咁我當然同佢試埋一份啦… 間鋪既位置於中環擺花街..個頭..
去到好似有一個個露營咁既帳篷每個人都有佢地獨立既空間..

今次安排左一位katie既幫我地修..佢係用線面既方式去幫你修條眉..零痛既感覺修完都會比塊鏡東尼睇,又問我東尼咁..幾好心機咁

後尾買package會有discount…2個人可以share package的..圍返起$180次到.. 以下就係佢修完既after相啦…

左：

右：

各位男士…或者B2B..影PRE-WEDDING相當天除左自己要靚外..自己身邊都要靚靚..男仔修完眉..個樣都醒目好多架…