我們的用心婚禮~籌備及落實

<<擇日>>-7月上旬-

距離7月婚展不足兩個星期，初步吉日已經暫定了！先講下我地呢個擇日點搵啦~~佢係我..嘉露子daddy既師傅..即係我鄉下既風水師傅..佢負責既範疇都好廣的~~由於2014-2015年既通勝未出,要個師傅用萬年曆再+本古書去推!最初嘉露子daddy 搵到2個日子..分別係2015年4月或5月2個日子

但由於日子真的比較遠，我倆+嘉露子daddy 決定遠赴雲浮..同師傅睇由2014年底到2015年年頭既日子...

最後由最初2015年4月或5月2個日子，經再推算後得出另外2個日子於2014年9月或10月其中3個是平日1個是星期日，原本星期六或日是我們首選但是又要到2015年(太耐了!!)，其餘日子又沒有適合我們的，4個日子當中有2個是特別好的所以我們初步選擇了~2014年10月(星期三)及2015年4月(星期日)再會二選一，遇上這個情況相信大部份新人首選都是星期日，我們最初都爭論左好耐。最後我作出了一個理性既決定……選擇了平日，最主要因素你可以話係錢（其實唔係完全為錢），考慮因素有很多首先現在是2013年年中大部份宴會場地的席菜價錢是到2014年8月止並講明下半年會加價，如果2015年又會再加多大概10%左右，最低消費同樣一同加；第二星期五、六、日及公眾假期的酒席價錢比平日亦貴大約10%～15%不等；第三大部份酒店都未能提供2015的席菜價錢及接受預訂，估計係因為通勝未出所以定唔到。加上各種因素都很大可能另我們超支，所以選擇將平日與假日的差價添加到其他部份使用另其他部份有更好選擇，因為我不想用錢去買個日期，之後都資詢過一d些朋友既意見，都認同其實沒有太大分別，就這樣決定吧！

我們的用心婚禮~籌備工作正式開始

不經不覺已經兩個月了，正忙於籌備婚禮事宜，這兩個月來我與嘉露子曾經有一段時間意見不合，我相信這些事情每對準新人都會經歷過，點樣解決當然最緊要找個平衡點啦，結婚不單純是兩個人既事其實唔多唔少都可以話涉及到兩個家庭。特別是當遇上傳統與新派的時候，就難為了一對後生，我很明白禮節及面子是要取個平衡。

<<見家長>>我地今次第一次雙方家長見面，安排左係沙田帝都酒店食中菜，環境都算安靜，我倆最早到達大家都為了坐位好好想了一番..由於雙方都是第一次籌備婚事，所以大家都聽取四周意見，意見多就煩惱多……好彩在之前已經取得了點共識，就是禮節上可以簡單一點新派一點，那麼開心得多。我還記得在求婚過後我首次見嘉露子父親還跟他提親，回想那時的我……。與嘉露子簡單討論一點買樓及婚禮方向擺唔擺酒等等……雙方家長見面當日氣氛非常好這樣也是我們預期之外，最初怕大家初次見面會默不作聲，點知全程有講有笑食得很開心，過大禮及禮金事宜也有了初步共識，大日子也由大家一同協助選擇吉日...我倆更遠赴云浮尋找世外高人為我們擇吉日...希望在7月婚展前有日子可以做點決定。