與東尼及嘉露子一同分享: 2013

2013年12月28日星期六

Per-wedding 準備之婚鞋

本來自己都對婚鞋冇咩特別概念，但我上年幫手做我2個好姊妹結婚時既姊妹團佢地都不約而同為自己整左對婚鞋。諗諗下，又問下東尼意見，決定整定對for pre wedding 用(唔知有影Pre-wedding相露唔露到腳呢..Hehe)。

於是緊係問之前個2位新娘朋友J小姐同E小時就係係結婚時整個對婚鞋..不過論性比價最後決定去J介紹個間E個間原來整完都差唔多成千蚊. 於是我便叫朋友J話我知係邊到…其實原來係金都入面的叫"都市"係1樓

睇下D款同試下D鞋,D鞋著落去都幾舒服..於是我就叫東尼陪我去睇下啦..話哂高跟鞋都係要襯高度的. 我著平底鞋先到佢個東尼下巴咁上下位置。試左幾個款後,最後決定要以下呢對..有假鑽粒粒3吋。

本來都想要D Open toe的但諗下..又暫時懶整靚靚d腳趾..我影pre-wedding時都係涷天氣的..所以都係搵到包頭啦..
選好size後又要留比佢加accessories..accessories都係自己+自己想點整都得. 最後製成品就係咁啦~~~舊花可以折的..到時自己睇嫌左換左去又OK..不過呢D各花入各眼..我覺得著得可以..又著得舒服就可以了.

最後呢間鋪我最buy就係佢地既售後服務可以好似..
- 如果有甩石,可以任意補返
- Big day佢建議可以加返條帶,避免行行下甩鞋本來都想淘的, 但避免唔岩size
- 可以自己襯D飾物上去咁
- sales姐姐都比好多有用意見比你..不過唔知係味佢sales自己d鞋啦..竟然叫我選好鞋先選pre-wedding衫..

後話:買左本來見到原來咁多人係淘寶淘到咁多正婚鞋…自己買左對有一刻都有d心動呀..但諗落//雖然平d..可能唔岩碼呢..可能會貨不對辨呢..哈哈..自我安慰中..

2013年12月26日星期四

我們的用心婚禮~對介design @ forever couple

是命運還是緣份注定了我們的結婚戒指…

點解會咁講…

本來最初我們在某大金鋪睇中左一款標榜日本生產及可自行設計的對戒款式，“IL Regalo”品牌既特別是可以在婚戒邊沿上刻上90度名字及隨自己意願加上石及不同配搭，其實已經一見傾心，不過之前上網做search搵到有一間公司設計很類近，經常向婚展有展覽，所以就諗住下次婚展了解一下。點知我地幸運地係酒店攪既wedding expo巧遇“Forever Couple”還仲係抽獎環節,被抽中第二獎……當然非常興奮啦！獎品還包括一張$10,000元“Forever Couple”現金劵就是這樣即時決定了。詳細blog: "我們的用心婚禮~籌備工作正式開始"

個日即場落左$1000訂後,佢地就話free左介子內圈既finger print印比我地..之後我地2個都係試下用類近既apps.即“IL Regalo”嘗試設計，配合不同配搭打造一對比較特別的款式.

Apps 都幾多野玩：

佢係8月同11月分叫左我地2個上左佢地鋪試左2次size..點解要試咁多次?Forever couple話因為夏天同冬天隻手都會冷縮熱脹..話為左確保岩size先起貨..順便上去又再試下d款式..係最後個次上去..終於落實埋個design啦~~係點既樣……我相信好快有版睇啦！！

不過未有版睇到.之前係到講少少啦……我地都係鍾情九十度刻字設計(tan90)之後再加入自己構思咁.好似下面官網d sample咁

女裝: tan90就加多外圈鑽石（東尼話要努力賺錢，賺返d一圈鑽石錢返黎）另外入面就做玫瑰金再加一句手寫既printing入去.

男裝: tan90大致相同,不過東尼話要特別d wor..request只要一粒大梯形石及一半閃銀色一半磨沙咁……佢隻介子話可分2面帶咁話…

類似下面既設計: (我地每次去都試人地勁多款..哈哈..成台都係..

現在非常期待我們的設計出世……

其實我發覺.每一對新人對介子/items既要求都唔同...有d覺得平平地粗帶就可以,但我地2個覺得帶一世既野都係personalize d…forever couple滿足到我地呀~

係到要讚下Forever couple既service佢地會提供專業意見，提供很多不同製成品供參考，分階段預約量度介子Size，使我們更安心。最重要係話lifetime warranty..崩左,甩左碎石都可以修補..+分呀~~~

2013年12月13日星期五

我們的用心婚禮~自製花球篇

距離一月影PW還有3個星期時間，係時間搵番個靚靚花球，上次向淘寶買在個紫色絲花球比我地粗用左一次d花已經開始謝了……決定買個新的，不過今次睇左好多都唔岩心水，直至比我地見到呢個唔錯不過要四百幾有d貴，咁就唯有請我一位平時同我頂開頸既同事出手啦……

因為我唔知邊到有靚絲花買，所以派我同事出手幫我挑選了這些，今次主題係粉紅及紅系，初稿整出黎較淺色。

那就等我出手吧……店舖種類非常多而且算平還有九折添，我除手執左呢堆，效果唔錯……就這樣吧！

中午買完花，下午已經有版睇了，我一向要求高經我一改再改之後……

製成品……

原來還有材料足夠整多一個…… 材料費約$170蚊

製成品靚過又平過向淘寶買……希望嘉露子滿意啦！!

2013年10月30日星期三

我們的用心婚禮~花球@淘寶

由求婚到e+時間一分一秒咁過...黎緊11月中會黎緊影我地人生中第一次既pre-wedding ..（不過呢個當practice ,因為酒席送的free coupon）正式個輯先係下年年頭先影..

咁影pre wedding..我諗都唔好兩手空空既，於是乎便諗住買個花球啦。上wow參考下資料同谷友send係group 既sample 後，決定自己淘寶淘過絲花花球返黎睇下效果。

經過幾日搭車或者係公司lunch時既空餘時間,搵左幾間，決定係下面間淘寶試買盛惠RMB$89..我買左紫色試下效果先

（screenshot 圖片from 淘寶店鋪設：芳子家服裝飾品店）

用左2-3日終於收到實物了（下圖），效果都可以呀，如果用咁既價錢買，當然唔會百分之百同圖片配襯一樣,好似比圖片少左d白花(^_^;)，但收到後效果都是滿意的。唯獨是繞花球手棒條絲帶過長，自己都可以整理到。唔錯唔錯，希望到時效果出黎都唔錯啦

（花球側面圖）

（另一個角度）

條絲帶真係好長(ｰｰ;)..我諗點橋好去

我們的用心婚禮~餅卡(東海堂)的選擇

餅卡呢個item其實開初我地2個屬意東海堂了。d餅靚d好食d..我媽咪冇所謂，未來99都屬意東海堂

之前都冇諗過咁快買餅卡住..因為下年近年尾先big day..不過有一日係wow到識既下年同月結婚wow友-polly話識人..可以用$36.5買到東海堂餅卡..

當時見到咁既價錢，即刻問下mr.東尼啦

其實開初，我地2個都諗住等我地影完我地pre-wedding 整張只有東海堂出既有相餅卡~~~

不過計下條數..（分析如下）

要相既東海堂餅卡..婚展join過150張免費印相，平均$38，39蚊張

平時婚展既東海堂餅卡，會展78折平均$39

E+ 同wow友夾買既東海堂餅卡..係冇+相jer：$36.5

諗深一層。值不值得為左印張相而要買貴d?小數怕長計。又諗之後唔知仲有無$36.5呢個優惠。

好啦。當晚發板同Polly 班長講要180張。不過訂左之後初頭都有d驚驚地架hehe..始終都未見過..同埋都係係group到傾過only..不過算啦，唔想咁多,1於去馬

過左個幾星期，餅卡終於收到了（以下幅圖係我地幾個wow 友夾夾埋埋買左過千張既奇境XD(鳴謝polly幫忙分裝）

不過原來個餅卡信封套要去門市取的，過幾日叫左mr.東尼去攞。去到問位阿姐攞百幾個信封，仲話比較多你..哈哈...好明顯有多啦。返去數數有成300幾個信封..

再次係到多謝&麻煩哂polly班長

2013年10月25日星期五

我們的用心婚禮~婚宴籌備之酒席選擇分析 @ 紅磡都會海逸-景逸軒

**場地分析:**

上個blog提及到我地最後既選擇，最後兩強係紅磡海逸酒店景逸軒及朗豪酒店Star Hall似中都係酒店擺好……兩間當然係唔同級數啦..最後考慮到交通及菜單等等……以下係我地既決定分析：

首先

紅磡都會海逸-景逸軒:

呢個場其實我個朋友係2012年年頭結婚時(我有份做姊妹)係呢個場擺..So far 都對我場都有一定認識..朋友結婚當日service 野食都十分平均

綜合黎講個場 :
(以下圖片全部來自景逸軒facebook 網(click me!)

1. Reception area夠大..可以放多個2nd backdrop

2.有條靚靚樓梯

3. 位於紅磡火車站旁, 都算交通方便

4.位於酒店內的中菜廳, 訂酒店送酒店房,可作出門用又得或者當big day休息用

5.價錢都算屬於酒樓價碼/但有酒店內的環境, 合附budget..
6.佢又可以借D Deco 物資..例如candy corner 既設備..自己可以唔洗租deco 公司既..只自己少少既創意.

7.個台都有小小stage..都可以..咁個stage, 我地自己再同個deco公司就個colour~~

So far 由Pencil mark個期都到..暗地同2大長老(大家既mummy)暗地去試菜(其實係普通咁食下佢地既晚市)so far都係滿意既~再+上頭2次落細訂都可以傾得掂可以look 卡(可以儲下分hehe..) 係最後埋單唔可以用credit card

整體感覺唔錯, 再+上朋友用過..自己當天做姊妹整體都覺得可以…夠18圍又可以hold前廳. Incl.埋條樓梯用既優先權..同埋如果你婚宴當天, 冇人用後廳..佢話可以用埋後廳個新娘房呀~(我朋友當天就係咁)

咁變左..有多些彈性存在..好彩可以用埋另一個新娘房就可以比姊妹mummy/99個d用

理想選擇: 朗豪酒店Star Hall :

呢個場絕對係我岩我地18-22圍呢個圍數呀~ 首先Chorry小姐帶地到40幾樓到望下個場..一出到去看左個廉睇個外面環境~靚到呀!

再黎熄燈…成個天花板都係閃閃燈..好靚呀~~~

再入一入去望下個新娘房. 超大個新娘房又有衣帽間, 又有個大海境呀,

心裡已經比呢到吸引左去啦~~好睇完環境都要面對下現實同sales 傾傾我地個期同埋價錢啦~~果然..我要向現實低頭…價錢,有少少out budget..

優點:

1)自成一角,成層41樓包哂冇閒雜人等..

2)無敵海境view, 位於旺角交通十分便利

3)超級無敵大新娘房

4)5星級酒店, 話當晚菜餚都由佢地米芝蓮餐廳 – 明閣既大廚信心監制咁話 J

缺點:

1) 價錢out budget (呢個係主要原因)

2) 個floor plan有少少轉角位~有2圍又會縮埋左一角.

最後….登登…最大前提,因為經濟效益的因素, 我倆決定起用”景逸軒”為我地既Big day場地.

2013年10月22日星期二

我們的大日子～踏入倒數365日

時間過得真係快，明年的今日就是我們的大日子了……。今天同時是我倆的安樂窩收鎖匙的日子，時間上非常巧合～雖然我們不會立即入住（還要裝修）但是能夠使10月22日呢個日子增添更多意義。

通常黎到仲有一年時間籌備婚禮都會打返篇Blog記念一下，我都不例外～首先匯報進度，眼見Wow同學會d兄弟姊妹都到今日已經差不多準備好晒，可以隨時結婚咁……但我倆就……
其實都唔差……
酒席已經落了大訂
PW已經落實了而且比左50%訂金，第一輯下個月都影……
大日子當日2V1P都已經落實了
新娘婚紗晚裝其實都已經在兩間不同公司落了訂，只是初步預留一兩套衫
新郎禮服……我煩惱中……
新娘化妝已經安排下月開始試妝
大日子當日場地佈置，已經落實了
兄弟姊妹團隊……差不多咁啦！
其他細項還在思考中……

其實在咁既進度算不算慢呢，見仁見智啦！