26-10-09 大阪我地會再返黎...

今朝訓醒就要Check-OUT，將d行李寄存向酒店下午先回來攞，之前見到麥當奴有期間限定可樂餅(即係薯餅)漢堡今朝終於有機會試下...

我地要讚一讚日本既M記比香港優勝之處就係佢地既茄汁啦~ 佢好似食麥樂雞既包裝咁..唔似香港個D要搵個地方"知"咁麻煩~哈哈...

把握最後時間向心齋橋，首先當然搵反尋晚間鞋舖買對鞋...哈哈..之後就周圍逛...順便向固力果留影...

見到神座拉麵入去試左碗拉麵...不過個拉麵又冇旅遊書講到咁好食WOR..我地2個仲食到飽到嘔呀~

之後就急急腳返酒店攞返d行李趕去搭南海電鉄先去機場搵Locker放行李之後再搭返一個站去OUTLET....

去到OUTLET, 估唔到東尼既購買慾開始爆發...預早少少返機場收拾，今次真真正正用晒d錢...

臨走都發生左d少插曲...我地辨理完登機手續之後去左機場失物處想試下搵返條頸巾因為落機已經唔見左，之後係失物應領.問到有紀錄

點知存放太耐佢地將失物送左去機場警局...臨上機前都要走一轉差館...遠遠就望到不過都有排先行到...等左差不多二十分鐘終於攞返啦...還有半個鐘飛機就起飛啦...跑...跑...啦!!.......好彩趕到時間買多幾盒面油紙及白之戀人添....

Byebye...啦!!!大阪..我地有機會會再黎架~

～～～～～～～～～～～～～～～～～完～～～～～～～～～～～～～～～～

**********************************************************************

後記 :

用左半年時間終於將我地今次旅程日誌完成，呢個旅程相信係我近年來最花時間去做資料搜集及問價的一個...辛苦呀!!...辛苦呀!!...不過都有好多好好既回憶，最覺得安慰就係可以一改我既緊密式旅行習慣，可以一嘗優閒咁享受今次旅程。其實每年我地都到遊歷一個地方，2010年我地選擇再次跳出亞洲出走花旗國...期待出發~~

25-10-09 感受‧優閒‧宝塚 (四)

再次出動...黎左幾日大阪都未試大阪燒之前行過附近有一間餐廳好似幾吸引...

(哈哈...掛住食唔記得影相...)

之後輪到嘉露子一直掃到連d舖頭都關左門...之後我地為左買一對鞋/同埋大家繼續可以shopping夜晚九點幾行去難波南海電鐵改左明天搭去機場個班特急時間...聽日一定要買到呀...買到呀......

之後玩左一陣夾公仔，其實都好易(只要掌握到個技巧)個店員幫我地將份禮物放近d個出口又教我地個技巧，終於(壓)左落出啦..今次嘉露子好叻女..佢d夾到比東尼的.(個技巧係向下壓唔係夾)哈哈哈...男兒當入樽~11號球衣

估唔到咁夜難波通d舖頭未關....行多一陣先返酒店收拾收拾...

呢盒我最推介，去京都河原町通記住買.....不過真係快過期啦~買左真係要快食..唔放得~

感受‧優閒‧宝塚...完

25-10-09 感受‧優閒‧宝塚 (三)

上回提及去到手塚治蟲紀念館好啦好啦~入去啦...首先會經過一道長廊...講述手塚治蟲既一生...

還有手塚治蟲既真蹟....還有一套重未曝光既動畫睇...呢套動畫係冇對白的,只有音樂+動畫..一個幾好睇, 幾presentatable既動畫...唔洗識日文都明白內容~~~~睇完..緊係係個到亂影啦~

最後,哈哈..緊係唔小得逛佢地個手信店~~都買左小小野呢~

最特別..嘉露子買左個toilet paper呢..哈哈..係呀..toilet paper呀..不過成個toliet paper係有哂手塚治蟲 - 怪醫秦博士 既漫畫呢..funny..

又掛住打機.....不過呢D全部都係手塚治蟲 既GAME

就黎上畫既阿童木電影海報...

呢到有三層樓高，最低層係教畫畫室...

最後向入口亂影一輪...

必經既宝塚歌劇院...

之後當然要抽返d時間去Shopping啦...之前第一日都冇乜時間行既梅田Yadobashi....竟然呢個商場咁多野買只是衫及攝影器材都有排行呀...實在太多戰利品...要返酒店放野先得...到心齋橋站諗諗下都係去完南船場買東尼一直都買既EVISU牛仔褲.....難得自己鐘意...算啦....



開始落微雨都係匆匆落地下街上返心齋橋返酒店放野...

待續...