台北2013~旅遊新態度(二)

尋日早機好倦，今日訓到十一點先出發應該什麼都足夠了...是日行程非常舒服就是食同食同食咁，因為只是安排了食的地點先黎個上引水產Brunch先，其實要去上引水產方法有好多種選擇最方便既一種最好。幾時都話住既地點好重要，我們用了不到十分鐘時間就到了行天宮站，再轉乘的士就到(原本都係好近，不用5分鐘車程又到啦，又80蚊車費)...

嘩!!!一落車已經見到好多人啦!!睇完室外備長炭燒烤區冇乜人等位，所以就入去室內睇下先，入面除了有活海鮮提供外還有熟食區及便當可供選購......



相信大家最關心係個立食區我東尼當然第二時間飛去取票輪侯啦!!

下!!!要等成百個票號先到(個職員話大約一個鐘左右到)，你地點解唔第一時間去取票輪侯呀!!因為我倆第一時間係向到周圍影相囉...

唔緊要啦呢到話大唔大話細唔細慢慢行都好快到...

其實立食區後面有個區係食海鮮拼盤不過指定款式...繞左一個圈見到D燒魚幾吸引都係買住條頂一頂先...順便去室外備長炭燒烤區取票輪侯等下先...

最後當然燒烤區快到D啦...食住等，坐下來原來先點飲料之後有工作人員陪同一起選擇活海鮮、肉類及蔬菜等等...因為之後還有立食區等緊我地所以隨便點了特大蟹腳、活鮑魚、帶子及小許蔬菜等等...

叫左兩杯有蘋果粒既蘋果醋...幾好飲喎

食住等先...佢有個用備長炭加熱石既燒烤盤用黎保溫，食物就向出面由廚房燒熟及調味...

點知就在剛點菜之後立食區個輪侯票號過得很快，我唯有重新取票輪侯過啦，因為職員告知燒鱈場蟹要等侯耐一點...咁就可以慢慢嘆一下啦...食過半飽之後立食區還要等候大約20分鐘左右先到，坐向品酒區休息一下，成兩點先能夠進入立食區...順便點了一些...

點了一個季節壽司套餐、馬糞海膽及白酒...

出面突然落大雨，好彩入左室內進食如果唔係...留到三點幾才離開真係一個好豐富既Brunch。
-------------
上引水產資料:
台北市民族東路410巷2弄18號(捷運蘆洲線行天宮站轉的士)
http://www.addiction.com.tw/
營業時間 週一至週日 06:00~21:00
TEL.02-2508-1268 FAX.02-2508-0268
--------------

東區是今日主要活動範圍，隨了食今日還有"濕平"先去微風廣場逛一逛主要都係行下Hands，之後行落較大間既86小舖附近好多野睇呀...

86小舖主要是售賣化妝品，進入前需要將袋放在儲物櫃才可進入，不過對於東尼來說都係陪嘉露子逛一圈之後獨留她在店內出血吧!!我出外到處逛一逛吧~原來我越行越遠...附近好多美食及商店，後來先知附近就是頂好商圈...

差不多大半小時才回頭接嘉露子，我已經見到佢挽住個滿滿的購物籃...，一心諗住今晚行下夜市所以去High Tea先，有時真係冇心去找反而會找到，一直向前行竟然見到咖啡弄喎

不過唔諗食佢啦之前香港都光顧過一般般，搵間更好的好漾餐廳試下...好彩有Google map如果唔係以為行錯，好彩認得地標...就係架車...

初初擔心有冇搞錯點解冇人既，搞到我地向附近睇左一陣，最後都入左去包住場先...原本大部份客人都預約了...

d食物質素及味道非常好......

我地叫左兩杯飲料及一個套餐...可惜唔太記得個主菜名稱，不過呢個雞肉質非常好...，稍稍休息過後難得到東區當然要逛一逛啦，呢到個感覺太似日本惠比壽售賣的貨品大都是來自日本或本地品牌，款式新潮講到好似賣廣告咁...值得此行，最後當然到我大袋細袋啦...唉...點知向呢個時間落雨喎，我仲有ABC MART未行呀即刻入去睇埋先走人...咁既情況都係先回旅店整理一下先再去夜市...由旅店步行過去只需要15分鐘左右
毛毛細雨既寧夏夜市有點冷清...之後更超級大雨非常狼狽不堪...我地由頭行到尾在有蓋地方討論一下選擇邊幾檔食物再重點購買，最後隨意買了點...回旅店享用

太大雨啦...整對鞋都濕透了...不過美食在眼前不理太多先享受吧...加埋個黑糖冬瓜茶已經非常足夠了...到呢刻下雨時間並不多已經算是幸運了...明天還要早起去排隊食早餐，冇錯係要排隊食早餐，睇下係咪真係咁跨張咁恐怖先...七點好出發啦...知唔知遲左有d野冇得食啦...明天還是我們的紀念日，驚喜不斷......

待續...

-------------
VG Bistro [ 好樣餐廳 ]資料:

台北市忠孝東路四段181巷40弄20號
http://vvgvvg.blogspot.hk/
TEL.02-87733533
--------------