北海道 ~ Day 4

(以上圖片係我地住向北廣島渡假酒店房間外的景致)

第4曰了，Merry Christmas呀..今日係觀光Shopping日，一早起遲左身食早餐攪到有少少趕，今曰既行程係先去北一哨子館之後就小樽運河，向小樽有自由活動兩個鐘頭右左。

首先去水晶音樂城參觀，買左d特別既音樂盒，d歌好in架之後仲去左北一哨子館，佢有好多間分館我地繼間睇下，買左好多靚靚手繩(水晶玻璃)又去左北菓亭及六花亭等買手信個度D地方既和洋式建築好靚，買完就去食個晏。

(向途中買嘅小食:右圖~北菓樓-新鮮出爐蘋果批; 

左圖~台北淡水有好高嘅雪糕,北海道都有仲要5種味道薰衣草、牛奶、蜜瓜、士多啤利、朱古力)

今日又係火鍋，今次我地比多左少少錢加多左一板馬糞海膽同爐邊燒活網走鮑魚！正呀(隻鮑魚成隻手掌咁大呀！）~食完又行街，去小樽運河影相(都吾係上像中咁浪慢Jer，可能又落緊雨關係啦！），又去左貨倉麵館跟住向附近d店又買左少少野。

(下圖: 小樽運河)

天氣開始轉差了，臨時加左個行程去睇日本寺廟，d雨越落越大又冇攞傘搞到濕晒，跟住落札幌，天氣又轉變，下起暴風雪來變到行街都行得幾狼狽，先去大通公園因為實在太大雪啦連用傘子都行得好困難，我地只向塔底留影就算啦！其實個公園都幾普通，如果冇乜節慶都好以考慮唔去。

(以上係札幌電視塔)

(上圖: 松阪A4霜降和牛 ..有cert的)


食飯啦！是日晚餐鐵板爐燒,我地加錢要左松阪A4霜降和牛，有証書的要早兩日訂左之後向神戶運過來(都末食過D牛有cert)都好貴下，不過算啦又唔係成日食呀！還有其他材料(牛肉、雞肉、豬肉及雜菜)~食完仲去行左薄野不夜天(即類似東京歌舞妓町，不過多好多野睇)，咪當見適下囉，個到都幾多醫院俱樂部，個到可以找到護士呀!你又可以做醫生幫個病人睇症喎!d女仔個個短裙仔架仲要落緊咁大雪~．．．

我地入左個up dum百貨公司除左￥100店之外其他鋪頭真係，行完返酒店同自己的血戰品影左幅大合照呢^w^~收拾行裝計下是日燒費_!間酒店幾大幾靚架(Renaissance Sapporo Hotel)Zzz…Zzz…窗外超大雪呀!可能可以玩多日呀!

(上圖:我地既血戰品..暫時比住咁多你地睇先,因為到最後係會多呢到一倍!因為last day導遊會同地去9拆店買..食既手信..hehe)

Ps:大件事,嘉露子漏左副Dxxr向北廣島呀!…女盲俠…好彩最終都搵返…不過要等下一團人幫我地攞返

東尼 & 嘉露子