講返去澳門，今次一行六人一大早向信德飲個靚茶，之後貪便宜買平船飛因為未入會要去到先入。今次大部份由東尼表姐安排行程
賭場去景點再賭場用小好多車錢
。先到永利參觀吉祥樹，之前我還介紹比佢地聽有幾好睇幾好睇咁...
...點知...你地睇下啦!吓!...變左條龍
以前明明係樹黎架
開估:呢幅係吉祥樹頂圓形巨幕，不過現在沒有得睇啦!
永利入會送$100鴻利錢，我地5個人申請左，
好用最短時間玩晒老虎機先。
第一站大獲全勝。玩咁耐老虎機都係第一次贏錢，還有係5個人都玩老虎機贏錢...勁呀!總數差不多六佰蚊。行去MGM參觀大家都沒有賭，只逛逛就走啦!行去營地街市食飯，我都係第一次去，但絕對值得再去，絕對有驚喜，竟然有韜韜介紹過既牛雜、
美味煲仔飯、懷舊齋菜等等...地方雖小但係食物款式唔小。之後當然唔小得走去食碗仔翅啦!因為平日黎唔洗排隊!行去參觀十六浦
個賭場不知所謂空氣又唔好大陸人又多。不過都玩左兩舖廿一點再小小地贏$100，因為本來要輸玩廿一點最緊要尾門呀!差D比個死靚仔害。之後坐免費車去威尼斯人，我有兩個主要目的：第一入濠會；第二曼聯專門店。
我超級曼聯迷
!上年黎個陣展覽樓層未開，但今次終於開左啦!不過要收入場費，真是有D後悔當年做問卷調查時點解唔提議免費呢!之後我離開大隊因為約左以前上司食飯，因為佢過左萄京做，去左食泰國野唔記得叫咩名，不過好正碟頭好大，餐前小食蝦片勁正
!下次一定要再食呀!大概傾到九點返新萄京同佢地集合。佢地去過金沙又玩老虎機贏錢
真係唔明乜咁易贏咩不過唔出奇~話個祕密比大家聽嘉露子幾年前曾經玩老虎機中過 jackpot呀!不過當時得幾仟蚊
。玩多幾舖就到買平飛返香港呀!向船上計數大家各自贏返今日費用同手信，所以咪贏左個免費澳門一天遊囉
!
東尼
沒有留言:
發佈留言